ORI ta lòs ‘Mi Life’


ORI no tin mester di niun tipo di introdukshon; su trayektoria musikal ya kaba ta bon konosí i e versátil ku e komo artista ta semper a traha na su bentaha. Fanatikonan sa ku género musikal urban ta su kos, aunke ku e añanan ku e’la militá den Nasty Play tambe e’la pèrkurá pa fanatikonan keda tende di dje i pa radionan keda zon’é. Su partisipashon den Festival di Tumba na 2017 ta konfirmá su versatilidat musikal. Ya kaba fanatikonan por a kuminsá haya un ‘vibe’ riba social media i tambe instagram di loke ORI lo bin kaya kuné. Awe t’e dia! ORI ta lòs ‘Mi Life’.

ORI a sinti su mes konfortabel trahando ku Decoded, pues fanatikonan por mira e videoclip riba e Youtube Channel @decodedofficial òf solisitá e track na nan radio preferí. ORI ta konta ku e’la skibi “Mi Life” den un temporada difísil, “E track aki mi a skibié den un temporada ku kosnan tabata basta duru p’ami. Pesei mes e yama ‘Mi Life’. E ta tokante mi bida i kon ami ta mir’é te ku awe. Mi ta un hóben ku ta traha duru, ku a pasa den hopi kos anto e echo ku mundu awe a kambia, a buta ku mi ta focus hopi riba mi mes. Esei ta e mensahe p’e fanátiko tambe. Ku enbez di focus riba otronan, sòru pa Abo ta bon. Ami mes a kometé e fayo den pasado di keda sin kis pa mi mes promé. Di tur kos ku mi a pasa aden for di bai Merka, bai biba Ulanda, bin bèk Kòrsou un kos a kapta mi atenshon, ta ku semper mi a keda e mesun hende. Anto esei a buta ku mi a graba "Mi Life". Pa ami e ta nifiká un fase nobo den mi bida”. Próksimamente Decoded lo presentá un videoclip di DXBT i aki un par di siman un piesa kompañá pa su videoclip di Rich Kalash.

#URBAN #LOCAL

Featured News
Recent News
Archive
Search By Tags