Denzel Gregg: “Hóbennan tin talento i ku e talento aki, no solamente por pega hit na Kòrsou sino na


Kòrsou konosé komo yu hòmber di empresario,

lokutor i promotor Darwin Gregg, for di chikitu Denzel

a demostrá afinidat musikal esaki e’la konfirmá dia e’la wòrdu koroná komo Rei di Tumba Hubenil di Kòrsou su karnaval. Awor, Denzel, a kuminsá un trayekto kompletamente nobo. Siman pasa, Decoded a lansa e promé videoclip di DXBT, e grupo di kual Denzel ta forma parti di dje.

E kansion ta konta di un amor hubenil. E amor aki ta bin bèk den transkurso di henter e piesa i ta reflehá esaki den diferente manera. Mester bisa ku e kansion ta keda kompañá pa un video clip, ku entretantu ya tin riba 35,000 views riba YouTube den su promé 5 dianan. Denzel ta konta di su eksperensia trahando e videoclip, “Bota sinti bo den un otro mundu i bo mester ta hopi di focus pa loke bo ke hasi i pa loke bo ke logra tambe”.

Den e clip, Denzel ta wòrdu buská na skol dor di su ‘tata’ i ta einan e historia di e amor hubenil ta kuminsá. Durante di e clip ta tuma nota di vários detaye hubenil, e.o deporte, wega di playstation, esena na skol i mas. “Ami no tin un peiki echt awor aki. Pero si tabata tin un mucha muhé ku semper mi a gusta i ku ainda mi tin ‘feelings’ p’e. Loke ku a pone ku awe nos no ta huntu, no ta nada malu- ta gewoon pa motibu di focus na skol. Mi ta kere ku si bo ke ta un artista, bo mester tin un peiki ku tin komprondementu, kla pa yuda i ku ta sostené bo den tur loke bo ta hasi, i mas ku tur kos stima bo p’e persona ku bo ta”.

E kansion ya kaba a kuminsá zona na radioemisoranan lokal i ta halando hopi atenshon den hubentut eskolar. “Nos ke ofresé hubentut kantikanan riba nivel pa pueblo di Kòrsou tambe realisá ku yu di Kòrsou, spesialmente hóbennan tin talento i ku e talento aki, no solamente pega hit na Kòrsou sino na vários otro pais mas”. Hóbennan por sigui DXBT riba Snap Chat DXBT.

YouTube Channel: Decoded Official

#CURACAO #LOCAL #INTERVIEW

Featured News
Recent News
Archive
Search By Tags