Jaido riba hopi 'speed'


Jaido ta on, anto ku hopi spit! E hóben kantante di 23 aña di edat ta moviendo ku bastante rapides den urban scene na Kòrsou. Anteriormente ya kaba por a nota un kolaborashon hopi eksitoso di Jaido ku Rich Kalash, e track ‘Sin Stress’ ku riba Youtube a generá 855,000 views.

Resientemente ‘Keda Stijf’ a alkansá 283,000 views -den 2 luna. Awe, Jaido ta lansa ‘Speed’- un track ku ta papia di e mundu underground i e rapides den kual tur kos ta ‘kana’. Un ‘mundu’ riba hopi ‘rush’, den kual e artista mester ta den konstante moveshon. Na 2 diferente okashon e kansion ‘Speed’ a lèk i a haña su kaminda pa radio-emisoranan urban, esaki mes a kontribuí na su popularidat i antisipashon. E videoclip ta estilo di un pelíkula, den kual a asta risibí kolaborashon di agentenan polisial lokal. Tin algun esena fuerte, pero di akuerdo ku e produktor, ta e propósito pa trese e bida real. Den kolaborashon ku Humans Of Willemstad lo hasi un donashon chikitu na 5 famia di ménos rekurso. Ora ku e fanátiko mira e video-clip, nan lo komprondé pakiko e gesto na e famianan.

Jaido tambe ta un artista di Decoded, por sigui Jaido riba instagram i snapchat @jaidorick.

Fanatikonan por mira e videoclip riba e Youtube Channel @decodedofficial òf solisitá e track na nan radio preferí. Ademas, por stream riba ITunes, Spotify, Google Play i Apple Music. Tambe por sigui proyektonan di tur otro artista di Decoded riba Instagram @decodedofficial. Próksimamente lo lansa e kansion i videoclip di Rich Kalash i Izaline Calister; esaki ta programá pa aki 2 siman.

#NEWRELEASE #URBAN #LOCAL

Related Posts

See All
Featured News
Recent News
Archive
Search By Tags