Salsa de los Bravos na Brakkeput Mei Mei

Djasabra dia 1 di yüli awor Brakkeput Mei Mei lo eksperensiá un anochi kandente ora e pianista i lider di banda Randal Corsen dirigí su orkesta pa presentá un programa kompleto den estilo di ‘Salsa de los Bravos’. Pronto benta di karchi di entrada na rason di 50 florin pa persona ta kuminsá na e lugánan di kustumber ku ta Mensing’s Caminada, Van den Tweel Zeelandia & Jan Thiel, i si sobra e anochi mes na porta.

Lanthùis Brakapoti Mei Mei ta preparando pa bispu di Dia di Bandera deleitá amantenan di bon músika ku otro espektákulo musikal. E biaha aki e aksento aki lo ta riba salsa, i mas spesífiko riba salsa di New York. E salsa brava – esta mas brabu, pa no bisa outéntiko, ku artistanan grandi den salsa manera Ruben Blades, Hector Lavoe, Cheo Feliciano, Celia Cruz, Eddie Palmieri i Ray Barreto a interpretá tan elokuentemente.

Ya Randal Corsen komo lider musikal di e anochi a logra kontratá un banda di total 17 músiko, entre nan diferente supladó i un sekshon rítmiko, pa kompletá su grupo fiho di amigu musikal. Esnan ku lo interpretá e kansionnan salsero ta e kantantenan Dibo Doran, Yumarya Grijt i Richie ‘Rich’ Pieter. Pues kuminsá blòkia e anochi ei, pasobra despues lo anunsiá mas detaye di e programa di e konsierto Salsa de los Bravos kaminda lo tin amplio oportunidat tambe pa balia na grandi riba e músika aki.

#LOCAL #EVENTS #NEWS #LATIN

Featured News
Recent News
Archive
Search By Tags