Zyon buscando su horizonte musical cu cancion nobo ‘Bo’n ta bo so’
Zyon no ta desconoci na Aruba, sinembargo ainda e ta buscando un breakthrough na Corsou. Un artista cu hopi potencial y cu recientemente a lanza un cancion nobo titula ‘Bo’n Ta Boso’.
Zyon ta conta cu enrealidad ‘Bo'n Ta Boso’ tabata un cancion cu e’la uza pa test su boundaries den muziek. “Biniendo for di mi ultimo project Perspectiva cu tawata Rap/R&B mi kier a wak con mi lo zona riba algo differente. E mercado na Aruba ta draai rond di hopi canticanan movibel dus ma pensa cu elo ta un bon move pa hasi algo asina. Ma zorg pa mi hinca mi mesun touch den dje y tambe pone 2 amigo dimi cu ta enjoy reggaetton riba dje y esei a forma e cantica eigenlijk. Un colaborashon di diferente energia, y experencia musical y e thema mes tambe ta algo cu ta hopi serca di mi." E cancion nobo ta feature dos amigo di infancia di Zyon, cu ta Wichi y Ty, “Dor di pasa asina hopi tempo huntu cumi den studio nan a cuminsa compronde con tur cos ta hinka den otro y ora di graba e cantica nan tawata tey tambe. Eynan ma dicidi di test nan skills y pone nan riba e cantica”.
Hopi ta esnan cu ta corda Zyon como e ‘side-kick’ di Jeon. Sinembargo algun tempo pasa tabata tin rumor di un ‘beef’ entre nan dos. Zyon ta splica, “Haha ami cu Biggy (Jeon) tin hopi historia nos tras y varios cosnan a bay menos bon. Dus ma dicidi di lemai ta den un "team" y ma djies hasi mi cos apart di e team aya. Esei a bin cu un tiki turbulencia den media pero ja, it's over now. Mi ta contento in ieder geval cu mi por crea mi mesun musica y slowly but surely mi ta kere cu mi nomber lo sigi crese awo”.
Proximamente Zyon lo ta trahando riba un album di R&B combina cu otro generonan mellow titula "Connection" cu e lo kier saka rond Augustus. Ademas di esei, e kier focus tambe riba canticanan na ingles. Ta sigur cu pa e proximo temporada nos lo tende hopi mas di Zyon. Pa awor aki, solicita ‘Bo’n ta bo so’ na bo radio preferi! Zyon definitivamente ta un trending artist.
