Angelique Klooster ta lansa CD nobo "Dios ta yega na Ora"


Angelique Klooster ta un kantante ku a kuminsá kanta for di su 8 aña. Na aña 1998 ela sali reina di tumba hubenil, ku e tumba ' No lag’e kaba rek’e'. Angelique a kanta ku diferente banda na Kòrsou i Hulanda. Na aña 2012 despues di a kombertí, ela kuminsá graba kansion nan di gospel.

Angelique Klooster a saka su promé cd di gospel na aña 2013 titulá ' Dependiente di Bo' kual e la estren’é na e konsierto 'The New Breeze' na Hulanda. E aña aki e’la saka su di dos cd di gospel kual ta titulá ' Dios ta yega na ora'. Riba e disko kompakto aki tin 6 kansion varia. Riba e cd aki e’la traha ku diferente Kompositor, manera Charcel Lak, Willy Rodriguez, Christine Klooster i tambe Chantall Huybregts. E persona nan ku a areglá e piesa nan ta Rudsel ' Rudsi' Comenencia, Derrel ' Titi' de Palm, Ito Martis i tambe Erwin Quintero. Riba e cd aki tin dos Artista invitá, kual ta Linton Vertus i tambe e gospel rèper, Jeffrey Tromp. E cd ta optenibel na Iglesia Resurekshon i Bida, Kingdom Experience, Mensing Caminada, Tiktak, òf por yama pa cd òf pa bookings telnr: 5145606.

#GOSPEL #LOCAL #NEWRELEASE #CURACAO

Related Posts

See All
Featured News
Recent News
Archive
Search By Tags