Javor ta dal su promé stap den farandula ku 'Tata mi stimabo'


Tico Balentien, enrealidat no tin nada di prueba mas, e paréntesis den su karera musikal ta su 3 koronanan di Rei Tumba di Kòrsou. Su presensia na momentu ku e presentá, semper tabata kontagioso. Sinembargo su yu hòmber Javor, si e aña aki na 2017 ta dal su promé paso den farándula. Nan por lant’é for di soño pa chicken nuggets i batata, i for di su 3 aña e ta kanta perfektamente den tono.

Motibu sufisiente pa Angelo 'Borrel' Dopwell di Dopwell Music i su tata Rubertico Benoni Balentien di RUBEBA Entertainment sòru pa Javor Balentien, interpretá un kansion dediká na tur tata, speshal pa dia di tata. Esaki ta su promé paso.

Tico ta konta ku Javor, studiante na Römerschool ta un talento nase, di 6 aña. “E ta un mucha multi-talentoso i semper ku e hasi algu, e kier saka lo máksimo. Nunka e no a partisipá na kompetensia di kanto, pero e stima kantamentu i tur ora ta kanta na kas, den outo i/òf ora e ta baña”. Na su edat di 3 aña, Tico, tata di Javor a deskubrí ku e chikitin ta kanta perfektamente den tono. E kansion dediká na dia di tata tin 2 aña den lachi,“E piesa a nase na e momentu mes ku mi a nota ku e por kanta den tono. Entre tantu tin 2 aña ku dia di tata a pasa sin e piesa i awor si nos di ‘Ban p’e’. Naturalmente tur kos den bida tin prioridat mará na dje. Lo mi laga pa un i tur mes opiná ora nan skuch’é”.

Di akuerdo ku Tico, esaki no nesesariamente ta nifiká ku Javor a start un karera komo kantante pero si ta habri e posibilidat pa e por ekspresá su mes komo un mucha ku tin habilidat pa kanta den su tempu liber. Javor, awor aki ta den fase di purba tur deporte un tiki, asina por menshoná ku aworakí e ta praktikando e deportenan di yudo i kickboxing. “Un tempu pasá e tabata hunga futbòl, pero ta parse ku esei no a trèk’e. Tambe e ta okupá su mes hopi ku kosnan ku ta mará na siensia, entre otro mirando un ‘National Geografic Channel i/òf un ‘Discovery Channel’. Javor tin tambe hopi pashon pa aviashon si. Tur kos por kuminsá i kaba na avion p’e”. Solisitá Javor su kansion entrante djaluna awor, dia 12 di yüni na radio!

Kompositor, Tico Balentin

Areglista, Angelo Borrel Dopwell.

#LOCAL #NEWS #NEWRELEASE #CURACAO

Featured News
Recent News
Archive
Search By Tags