Aruba tin ESHA!


E hoben Arubiano ESHA a lansa su disco compacto di mas nobo riba mercado titula ‘Dangerous’. Durante un rueda di prensa y invitadonan special, a bai ‘live’ riba di Facebook pa asina hasi e debut di ‘Dangerous’. Esaki ta e segundo disco compacto pa ESHA, despues di a impacta y causa furor cu su prome disco yama ‘Beautiful’.

ESHA ta un hoben cantante y compositor di apenas 15 aña cu a cuminsa cu su talento cu apenas 6 aña di edad. Su cancion ‘Yesterday’ tabata un sensacion, un videoclip di caliber halto a pone cu esnan di e mundo di musica a tuma ESHA mesora na serio y a mira e pasion den e hoben cantante aki.

ESHA a expresa cu e disco compacto nobo ta splika e peliger di amor y relacion. E ta hopi emociona pa cu e resultado sperando cu e piesa toca cada persona cu scucha y comparti e disco compacto aki. E disco compacto ya ta obtenibel riba di iTunes. Actualmente ESHA ta den preparacion debi cu e lo presenta su mes durante di e Aruba Summer Fest proximamente.

#LOCAL #ARUBA #NEWRELEASE

Featured News
Recent News
Archive
Search By Tags