‘Cizzle’ pronto ku piesa nobo featuring Mason i Ziko


Chris Van Thiel konosí komo ‘Cizzle’, ku pronto lo hasi su debut ku agrupashon musikal ‘One’ di ‘Dibo’ D., ta trahando riba un proyekto nobo. ‘Cizzle’ ta grabando un piesa nobo, ku pronto ta riba merkado. Esaki komo parti di su proyekto, unda manera e mes a splika, lo duna su regreso na su roots di Urban.

Den e grabashon ku pronto ta riba merkado, lo e wòrdu kompañá pa Mason, konosí pa e gran hit “Traha p’e” i tambe Ziko, di Nastyply, popular pa e kansion “Te ainda”. Cizzle mes ta splika, “Mi ta kere ku tin hopi chèns ku e título di e kansion nobo aki, lo ta “Ora Mi Ke”. Esaki paso ta e 3 palabranan ku mas ta wòrdu ripití den e kantika. Pues lo ta straño pa bai yam’é algu otro”. Mas aleu tambe fanátikonan di ‘Cizzle’ por keda pendiente pa fin di aña, unda el a primintí i komprometé su mes, di lo bai saka un EP kompletu di músika Urban, pa su fanátikonan i tambe tur amante di bon músika.

#NEWS #LOCAL #CURACAO #URBAN

Featured News
Recent News
Archive
Search By Tags