“FireON” ta konta di su kansion 'Imperfekto'

FireOn ta un upcoming artist ku a debutá ku su promé single titulá "Mama”. Ta trata di e artista Pharon Pilgrim konosí komo FireON. Den e entrevistanan anterior relashoná ku e kansion ku el a saka spesialmente pa dia di mama, el a primintí ku lo e saka su di dos kansion den luna di yüni kual ta titulá “Imperfekto”. Meta di e produkshon ta pa alertá un i tur ku bida por ta dushi awe pero ku por tin retonan siguiente dia. FireOn ta indiká pa bo keda pendiente pa e track ku lo sali na radionan e siman aki i pa fin di luna di yüni e videoclip. Tur kos a kuminsá den luna di mart, kaminda FireOn a produsí un kansion titulá “Mama”. E próksimo produkshon FireOn a usa situashonnan di bida ku el a pasa aden pa e skibi “Imperfekto”. Momentu ku esaki tabata kla , el a manda e idea i melodia pa e produktor Najee Rosario. FireOn ta un artista ku ke inspirá su públiko pa biba bon. Bida tin hopi buèlta kual nos kada un ta saka otro siñansa for di dje pero e produkshonnan di FireON mester ta un estímulo i un“push” pa e hende komprondé bida i usa e eksperensia pa hasi bon pa bo mes i pa otronan. E produkshon “Imperfekto” lo ta pronto riba merkado i sigur esaki lo ta otro mensahe pa un i tur.

#LOCAL #NEWS #NEWRELEASE

Featured News
Recent News
Archive
Search By Tags