“RQ” pronto bèk ku ‘Lisa Part 2’


Ku e agrupashon musikal ReQuest tabata poko for di moveshon i notisia pa un temporada, tabata pa hasi algun kambio. Meta tabata pa prepará pa bin ku un mihó kalidat di músika i un sistema diferente. Trendsz.Net a kombersa ku lider di e agrupashon musikal "RQ" ReQuest, kende ta Jhonatan Mogen, konosí komo "JmcClain".

JmcClain ta un artista YDK bibá na Hulanda i ta konosí primeramente den e género Urban. "RQ" ta un agrupashon musikal na tera friu, formá pa músikonan yu di Kòrsou. Komposishonnan manera “Lisa” i tambe “Lag’é” a hasi "RQ" konosí, den apénas algun luna di nan eksistensia. Miéntras tantu nan ta trahando riba un komposishon ku lo bai hiba di nòmber "Lisa Part 2". E lo bira un kontinuashon di e promé hit di “RQ”, ku tabata ‘Lisa’. JmcClain, ta komenta ku, "Lo ta un 'next level' di músika, unda mi ta bai mas profundo den loke bèrdat ta sintimentunan di un hende muhé i nan deseonan. Den e piesa aki lo elaborá riba momentunan ku mas un ser femenino ta sinti su mes bon i por ta poderoso. ‘Lisa Part 2’ lo ta piesa pa siña i yuda muhénan ta mas fuerte i sigur di nan mes.”

#NEWS #LOCAL #CURACAO #RITMO

Featured News
Recent News
Archive
Search By Tags