Rocco ta pendiente pa produkshon nobo huntu ku Chris Kross

E konosido kantante, Rodrick 'Rocco' Franken, a kaba di hasi un grabashon nobo."Mi a graba un gospel e biaha aki. Si tur kos ta bon, mi ta kere ku lo e sali pa e siman ku ta bini. Ta algu nobo pa mi, pero tur kos ku mi hasi, mi ta trata na hasié bon i ta spera ku lo e kai na agrado."

E hòmber di Gosadera, kende ta enkabesá e front di e agrupashon musikal Buleria, a graba un kansion i su clip, titulá "Hallelujah". Lo ta un piesa gòspel, unda 'Rocco' ta konta ku respaldo musikal di 'Chris Kross', ku ta konosido kitarista di Aruba. Dos talento arubano ta uni pa trese algu nobo riba merkado, ku sigur lo toka un i tur. Banda di esaki Rocco ta komentá di tin mas kos nobo na kaminda, tantu di su mes, komo huntu ku Buleria.

#ARUBA #LOCAL #NEWS #CURACAO

Featured News
Recent News
Archive
Search By Tags