'Randy Leroy' i Gentz ku kosnan nobo na kaminda


"Pa loke ta Gentz aworakí, nos ta bai ‘release’ un piesa nobo di mi, kual ta hiba di título "K R U E L". Pa e piesa nobo aki, nos a graba un videoclip tambe. E piesa mes lo wòrdu lansá djamars dia 20 yüni 2017 na radio emisoranan", tabata palabra di e talentoso kantante di e agrupashon musikal Gentz, Randy Leroy.

'Kruel' lo bira un tema ku a konta ku trabou di ‘Randy Leroy’ i Randy Roshuevel. Xemio Jacobs tabata e persona pa finalisá e trabounan pa e ideanan kristalisá. Tambe 'Randy Leroy', kende tabata konosí den e agrupashon musikal Cache Deluxe, a splika mas aleu ku Gentz ta preparando pa selebrashon di nan di 2 aña di eksistensia.

Buleria lo selebrá nan di 3 aniversario.

Djabièrnè dia 30 yüni 2017 lo bira un fiesta ku lo bai marka historia, den WTC aki na Kòrsou, ora ku Gentz i Buleria for di Aruba topa otro. Un kombinashon ku pa basta tempu tur amante di fiesta i bon ambiente tabata pendiente p’e. Gentz ta konta ku ‘Randy Leroy, ‘Dju dju V’ Virginie, Amos Balentin i Ray Lauffer, miéntras ku for di Aruba, Buleria lo tei ku ‘Rocco’ Franken, Tommy-Lee Halman, Ron Martis i Raynold Kelly.

Seguidamente tambe Gentz lo ta na Boneiru na yüli benidero, promé ku nan bai Hulanda pa Zomer-Karnaval na fin di yüli. Randy ta splika ku, "Komo 'Randy Leroy' mes mi ta bezig ku produkshon nobo, i dia 5 ougùstùs próksimo lo mi ‘perform’ den Crazy, Sexy, Cool. Esaki ta un festival grandi na Rotterdam, Hulanda.”

#LOCAL #RITMO #NEWS #INTERVIEW

Featured News
Recent News
Archive
Search By Tags