‘Bèlèng’ di Chaika Danoutah e próksimo himno pa e ‘ladiesnan’


“Chaika”, konosí pa e hit “Felis Mané mi ta”, tin un produkshon nobo na kaminda. Ta trata di un videoclip, ku segun e kantante lo bai bira un himno pa tur ser femenino. Mas aleu tambe el a duna di konosé ku ta un produkshon, ku lo Sali ta durante di e promé siman di yüli 2017, riba merkado.

“Lo bira un kansion ku lo ta un ‘girls anthem’, unda ta pone atenshon riba esnan maskulino, ku ta kere ku ta nan ta dominá kaya, pero ku en realidat, no ta asina. Esaki ta konta ku algun letra ku ta bisa entre otro: "Segun bo, bo tin e bèl ta zona bèlèng bèlèng bèlèng, pero niun ratu so" Papiando mas aleu di e kontenido di e clip, “Chaika” a deklará ku esaki lo konsistí di hende muhé so. “Mi no a bai buska modelonan públiko, pero mi a buska otro i tur ta diferente. Muchanan ku na un òf otro manera, den komienso di mi karera a yuda mi krese, pa mi ta kaminda mi ta awe. Ta mi promé video musikal ku mi lo saka, pues pa ami, e tin tambe un balor sentimental kaba”, e kantante ku a konfirmá tambe di lo ta bastante aktivo pa loke a sobra di 2017. E videoclip a keda grabá pa Ryan "QD" Navarro, miéntras ku e kansion ta produsí pa “ILLFlavaz”, skibí pa “Chaika” huntu ku Chris Strick.

#LOCAL #CURACAO #URBAN #NEWS #NEWRELEASE

Related Posts

See All
Featured News
Recent News
Archive
Search By Tags