Zyon ft. Ataniro ku “Faithful”


Randall Luidens konosí komo ‘Zyon’, huntu ku Janiro Eisden, ku ta konosí komo ‘Ataniro’ a uni pa trese un álbum nobo riba merkado. Esaki lo bai ta na ingles, unda ámbos kantante tin espektativa haltu pa ku e aseptashon. “Nos ta bai dal sigur. Nos no ta traha muchu ku planning I guess, pero djis ku e ‘vibe’. No ta promé biaha tampoko ku nos ta traha huntu, pero si pa promé biaha ku e seriedat aki. E kansion yama ‘Faithful’ i riba e pregunta di e plannan pa internashonalisá, mi ta laga esei pa bo mes mira”, ‘Zyon’ a duna di konosé durante di un kombersashon.

Pa esnan ku no ta bon konosí ken ta ‘Zyon’, ta trata aki di e intérprete di “Sous den bo Love”, huntu ku Ataniro mes i tambe ta konosí pa su EP “Perspektiva”. E último kansion, “Bo’n ta bo so” di Zyon a zona bon na emisoranan na na Aruba i Kòrsou.

‘Ataniro’ no mester di muchu introdukshon i ta wordu konsidera komo un trendsetter den mundu urban. Entre otro “Suave”, “Mundu kruel”, “Unda Niro”, “Destino” i “Amigu íntimo” ta kansionnan ku e generashon nobo di urban a lanta ta skucha den nan dianan di hubentut. ‘Ataniro’ inkluso a partisipá den festival di tumba na Kòrsou, kantando e tumba “Tur mi ta kue”, kual seguidamente tambe a keda grabá komo ‘roadfire’. Mester keda pendiente pa e kansion nobo di e ‘duo’ aki, lo bai lansa un pa promé bes un track na ingles!

#NEWRELEASE #ARUBA #CURACAO #URBAN #NEWS

Featured News
Recent News
Archive
Search By Tags