Raven ku kansion i videoclip nobo ft Dongo i Ori

Gilbert Raven, konosí den mundu di farándula partikularmente pa su fam; su nòmber artístiko ta Raven, tambe ta trahando riba produkshon nobo.

E kantante ta trahando riba un kansion nobo, kual pronto lo bai ta riba merkado kompañá pa su videoclip. Lo e bai ta un tema speshal pa e temporada di Zomer, pero ku tòg por wòrdu toká i skuchá durante di henter aña. Relashoná ku esaki Trendsz.Net a kòmbersá ku Raven, kende a konfirmá e trabounan ku ta tumando lugá pa su próksimo proyekto.

“E produkshon aki ta wòrdu hasi den un ‘teamwork’. E personanan enbolbí ta Jesp Beats, Jeon i mi mes. Esakinan pa lokual ta e ‘Beat’, letra i tambe grabashon. E kansion su título ta “Balor’é". Lo e ta un ‘track’, ku mi a ft Dongo i tambe Ori. E parti di grabashon pa e videoclip, tabata Vladimir, kende a tuma e ‘shotsnan’ di Dongo, miéntras ku Gleison, a hasi tur e otronan, ku ta Ori, e aktornan i tambe ami mes” Raven ta konosí pa kansionnan manera “Subi mi keintura”, ‘Desde ku m’a bai”, “Mi sa ku bo ta yora”, “Atmiradora sekreto” i “11:11”, pronto fanatikonan por bai skucha Balor’é.