Ritmo Real den ‘showcase’ na Barbados
E kantante arubano konosí pa su kansionnan “Te Patras” i tambe “Vakantie, Ritmo Real aktualmente ta den un showcase na Barbados huntu ku Island Records, Atlantic i Polydore, ku ta ‘label’ nan tòp di mundu, pa asina trata na sobresalí den e aktuashon na Barbados.
Despues di sali Barbados, Ritmo Real lo sigui pa London i tambe Hapon pa un ‘tour’. Esaki lo bira unu unda lo e ta kantando na ingles.
Miéntras tantu e fin di siman aki, lo bai tin kos nobo di Ritmo Real. Mas aleu Ritmo Real a konfirmá tambe ku pa dia 25 di yüli 2017, ku lo e bai tin un EP#JuiceBox na kaminda ku kansionnan kantá na papiamentu. Esaki lo ta algu grátis, komo muestra di apresio i gratitut pa tur hende ku a biba kuné te aki, na momentu k
u awor e ta pará pa hasi su siguiente paso, kual ta internashonalisá su mes. “Finalmente mi mester bisa ku mi tin 3 diferente ‘single’ na kaminda. Dos di esakinan lo keda lansá na London, miéntras ku e otro lo bai sali na New York”, Ritmo Real a splika.
