Nkira ku 2 produkshon nobo na kaminda
Nkira Chippendale, no ta unikamente konosi pa su sensualidat i karisma, sino tambe pa su bos ku den urban scene ta keda konsidera komo un di esnan mas sexy. Su partisipashon den SQUAD semper ta hala atenshon. Nkira tin 2 produkshon solo nobo ku ta na kaminda i relashona ku esaki Trendsz.Net a papia kune, e ta konfirma e notisia bisando “Mi tin 2 kantika ku clip ‘coming very soon’. Ta trata di Woody ft Nkira, ku e tema “Sero sintimentu” i tambe unu ku mi so lo interpretá ku tin komo titulo “1-2-3”.
Ámbos lo bai ta produsí pa ‘Guddagetamilli’. Eseinan ta loke mi tin na kaminda. Pero tambe ya manera un i tur sa, mi a kaba di lansa un otro tema nobo riba merkado. Esei tabata un piesa ku Area 51 ft Nkira, ku tambe tabata produsí pa Guddagetamilli.
Konkluyendo, e damita kantante/artista yu di Kòrsou, a duna di konosé ku e ta trahando riba mas kos nobo pa futuro, unda entre otro lo e bai tin algun ku featuring di algun artista basta konosí, for di den eksterior. Pues kosnan interesante ku sigur lo bai hala atenshon den farándula lokal próksimamente.
