Claudius Philips ta lansa balada titulá “Bisami Awo”.


Despues di 16 aña, e tema “Bisami Awo”, di e talentoso artista rubiano Claudius Philips, ta mira lus. Asina e propio Claudius Philips a splika durante su entrevista na momentu ku el a lansa e tema nobo na Aruba. E piesa “Bisami Awo” ta un presioso balada. Segun Claudius, ultimamente no tin masha hopi balada bunita mas, manera antes. “Unda e romantisismo ta?”, asina Claudius ta puntra. Aparte di ta konosí pa e tremendo ambiente i dushi ritmo ku su banda O.R.E.O., Claudius Philips ta bon konosí tambe komo un gran baladista. E último balada bailabel ku Claudius a presentá tabata e gran éksito “Hasiendo Cos Romantico” (konosí den pueblo komo “Mi Ke Bo Paga E Lus”).

E talentoso artista tin mas kos nobo na kaminda. For di e dianan ku tras di lomba e balada nobo di Claudius Philips, “Bisami Awo” a kuminsá zona na emisoranan na Kòrsou tambe. E tema ta orginal di su idolo, Ilan Chester, ku aña pasá Claudius tabatin e previlegio di a topa personal, hustamente na Kòrsou. E tema nobo “Bisami Awo” ta kompañá pa un bunita video clip ku ya kaba tur hende rònt mundu por mira riba YouTube. Definitivamente “Bisami Awo” ta otro hit grandi pa Claudius Philips ku sigur lo kai na agrado di su gran kantidat di fanatikonan na Kòrsou.

#NEWS #NEWRELEASE #ARUBA #LOCAL

Featured News
Recent News
Archive
Search By Tags