Freddy Richardson grabando huntu ku Ron Martis

Freddy Richardson, ta un kantante ku a nase i ta biba na Aruba, ta trahando riba un produkshon nobo, unda e ta kantando huntu ku Ron Martis, ku ta forma parti di e front di e agrupashon musikal Buleria den farándula na Aruba. “Mi a rèp for di chikitu, pero mi a sa di akseptá ku repmentu no ta mi género preferí”, Freddy Richardson a duna di konosé. Tabata mas o ménos na aña 2009/2010, ku Freddy a forma parti di agrupashon musikal "Upgrade Music", unda tambe el a pega dos diferente hit. Ta trata aki di e piesanan “Laga nan pa Dios” i tambe “Chick bunita”. Banda di esakinan tambe el a ko-interpretá hopi di e hitnan bieu di upgrade, manera por ehèmpel “Kabaron”, “Barbie”, “Danki Dios ta Djabièrnè”, “Dame pulo” i hopi mas. Kombersando ku Freddy Richardson, el’a splika ku tabata na aña 2014, ku el a saka su promé ‘single’.

“E piesa "Alone", tabata práktikamente e komienso di mi karera komo ‘solo-artist’, kaminda ku mi a subi ‘stage’ kanta ku Jeon & Upgrade Music. Pero banda di esaki tambe mi tin mi mes su ‘solo shownan’. Mi a hasi vários show, tantu na Aruba, Boneiru, Kòrsou, komo tambe Hulanda. Tabata eksperensianan ku nunka mi a pensa ku lo por pasa ku mi. Nan ta tambe kosnan ku ami NUNKA lo lubidá !”.

“Mi penúltimo kantika tabata "Pa'we i pa semper”, unda mi ta ft. IrSais. Miéntras ku aworakí ami ku Ron Martis di Buleria, tin e mas nobo di mi ku yama “Mihó bo so”, ku ta un kantika ‘full’ kla ku ya por wòrdu skuchá na radio i nos ta den proseso di e videoclip. Nos no tin un fecha ainda si, pa e videoclip ta riba merkado, pero e lo sali pa fin di luna di ougùstùs aki mes”, Freddy a sigui bisa. “Finalmente mi kier a pidi tur mi fanátikonan pa ‘follow me’ riba tur mi sosial media. Mi facebook a wòrdu di hacked i mi page bieu, pues awó mi tin facebook nobo, wardando pa haña mas ‘friends and follower’, pa mi por ‘release e music video’, ku mi ta grabando huntu ku Ron Martis .” Hopi éksito na Freddy!

#NEWS #NEWRELEASE #LOCAL #URBAN #ARUBA #INTERVIEW

Featured News
Recent News
Archive
Search By Tags