Clinton Hato zonando tremendo ku Hype


Un di e hóben kantantenan kende sin duda ta profilando tremendo den farándula lokal, ta Clinton Hato. Ta trata aki di e hóben kantante ku ta forma parti di e agrupashon musikal Hype aktualmente. Despues di a bira konosí den farándula lokal ku Grupo Karabelito i Karabela, pa seguidamente a pasa pa forma parti di entre otro Magic Sound i tambe Gio Fuertisimo. Clinton ta kantante ku a interpretá entre otro e kansion di Pasku, “Pasku enamorá” i tambe a pega e hit “Einan”, kompañá pa Gio. Aktualmente el a kaba di lansa un piesa, den un bachi nobo, riba merkado. Esaki ta unu eksistente di e kantante Maluma. “Felices los 4”, ya ta zonando na tur radio-emisora lokal i naturalmente tambe durante di presentashonnan di Hype.

Mirando e desaroyo i forma positivo di move di e kantante, Trendsz.NET a hiba un kombersashon kuné, den kual a el a deklará lo siguiente: “Na promé lugá mi ta bin di un famia, unda di parti tata, hopi ta den músika. Esaki sea ku nan ta kanta, toka òf ‘noem maar op’. Pues mi ta kere ku e kos ta den sanger. For di mi 5 aña mi a kuminsá ku kantamentu. Esaki tabata den kornan di misa, pa despues tambe mi pasa forma parti di diferente formashonnan musikal.

Pa loke ta mi inisio den públiko, mi ta kòrda nobo nobo ku mi a kuminsá pa ku stage i alabes kanta den públiko, mi tabatin hopi problema ku esaki. Nerviosismo tabata tuma kòntròl di mi.” Mas aleu el a sigui konta kon kosnan a desaroyá i ku te ku awor ku e ta preparando entre otro pa festival di tumba 2018.

“Aworakí ta notabel e madures musikal kaba, mi ta sinti mi hopi sigur i alabes e eksperensia ku mi a progreso ta kai hopi na mi bentaha. Eigenlijk den Gio mi tabata e beibi, paso mi tabata esun mas chikí, anto tabatin tambe yen ku tabata sumamente mas eksperensiá riba e tereno di ritmo kombiná. Miéntras ku aworakí den HYPE, mi ta un di esnan di mas edat, apesar ku e edatnan no ta diferensia mashá i eksperensia ku mi a krea den e tiki tempu den Gio, mi ta kompartí ku mi otro rumannan, kual huntu ku e kapasidatnan ku nan tin, ta bira e gota pa forma un tim kompletu i eksitoso. Pa loke ta futuro, mi deseo ta pa mi sigui traha mas duru tur dia di nobo, pa asina mi ta mas serka di mi metanan. Den Hype mi ta sinti mi hopi bon, sigur mi no por reklamá nada. Den nòmber di Dios, chèk mi ku HYPE den tumba 2018 !”, Clinton a konkluí bisando.

#LOCAL #NEWRELEASE #CURACAO #RITMO

Featured News
Recent News
Archive
Search By Tags