‘Brian D.’: “Plaka i fama no ta mi motivashon”


Trendsz.NET a tene un kombersashon ku e popularisimo kantante yu di Kòrsou, establesé na Hulanda, Brian Dekkers. Ta trata di un hóben ku resientemente tabata tantu na Kòrsou, komo tambe na Aruba, unda el a mira aktuashon den frònt di e agrupashon musikal No Game. Ámbos tabata fiestanan ku sigur mester keda konsiderá komo eksitoso i entre e mihónan últimamente. Miéntras tantu Brian ya a regresá Hulanda.

E hóben kantante konosí komo ‘Brian D.’ a inisiá su karera musikal ku e agrupashon musikal Big Stars, unda e tabatin e hit “Destino tabata ke”.

Seguidamente el a pasa pa No Game, unda sigur e banda aki, ku entre otro Brian D. den frònt, a sa di trese hopi ambiente, hit i rekuerdonan inolvidabel pa farándula na Kòrsou. Ku No Game, Brian D. a pega hitnan manera entre otro “Ik hou van jou” i tambe “Nada no por kibra nos”.

Debí na su estudio, el a move pa Hulanda, unda tambe e tabata parti di Cache Deluxe pa un temporada i a pega e hit “Ora Bo Tin’e”.

Durante di un kombersashon e kantante a splika di tin ‘Fe’ ketu bai den ‘E ser Supremo’. Esaki tabata riba preguntanan ku a hasi na dje, debí na rumornan ku lo a bin un kambio bèk den su bida. “Apsolutamente ku no. Mi tin ‘Fe’ den “E Ser Supremo” ketu bai. “Nogmaals, mi ta spiritualmente aktivo ketu bai. Solamente di un forma fuera di e pensamentu komun”, tabata su promé reakshon.

Seguidamente riba e pregunta ku su fanátikonan por kai den un konfushon debí na e kambio ku e tabata interpretá solamente temanan di Dios i awor a skohe pa manera el a inisiá bèk, Dekkers a kontesta asin’aki: “Mi a yega na un punto den mi bida kaminda felisidat a bira mi prioridat. Mi sa ku tin hopi hende ku ta sostené mi den e pensamentu aki, i mi ta kere ku tur kos lo obra pa bon”.

Mi ta risibí hopi reakshonnan positivo. Tambe algun krítika konstruktivo pa tene mi skèrpi. Lagami poné asin’aki: "Hoort erbij !"

Pa loke ta e motibu di e regreso den e parti ‘komersial’ di farándula, ‘Brian D.’ a splika di ta mir’é mas komo... "Mi a sigui ku mi bida !". E la sigui splika ku esaki tabata e ‘next step’ di a laga lòs for di religiosidat, pa asina Señor por sigui pinta su bida manera “E” ke.

“Plaka i fama no ta mi motivashon. Loke ta move mi, ta e espasio pa mi por ekspresá mi mes musikalmente sin límite. Tur sobrá ta bini van zelf”, segun e kantante, ku tambe a pega diferente hit komo solista, manera e ta moviendo aktualmente.

Finalmente riba e pregunta ku lo por spera piesa nobo den e etapa nobo aki, e intérprete di e hit gòspel “Danki Señor”, a kontesta “Sigur ku si !” #BD3G”.

#CURACAO #ARUBA #GOSPEL #INTERVIEW #RITMO

Related Posts

See All
Featured News
Recent News
Archive
Search By Tags