Regata di Boneiru 2017 ta habri en grande ku presentashon internashonal di Kassav’!
Despues di hopi esfuerso di parti di e organisashon di Regata por anunsiá ku KASSAV’ lo toka durante di Regata 2017. E aña aki nos ta bai selebrá Regata su di 50 aniversario den gran forma. Presentashon prinsipal (Main act). Durante e simannan ku a pasa nos a anunsiá varios artista i DJ lokal ku lo presentá durante Regata 2017, entre otro: Rincon Boyz, Gentz, Bonaire All Stars (BAS), ERA, Fenty i mas.
Pa medio di nos komunikado nos kier anunsiá ku e presentashon prinsipal lo ta na enkargo di e inventornan di zouk: Kassav’! Kassav’ lo habri Regata su di 50 edishon riba djarason 11 di òktober 2017. Despues di basta aña Kassav lo bolbe presentá nan hitnan grandi na Boneiru manera, Zouk La Se Sel Medikaman Nou Ni, Siwo, Oh Madiana i hopi mas. Kassav’ ta un banda ku nan a lanta na aña 1979 na Guadeloupe. Despues di 38 anja, Kassav’ te ainda ta e banda mas bendí di Karibe! Pa nos ta un plaser pa tin Kassav’ aki na Boneiru pa un anochi inolvidabel.
Karchi VIP
E aña aki tambe nos tin nos espasio di VIP pa nos spònsernan pero tambe pa esnan ku kier eksperensiá Regata na un manera spesial. E tarima di VIP lo ta banda di e tarima prinsipal. Esaki ta pone ku bo tin hopi bon bista riba e tarima prinsipal durante tur presentashon i bo tin mas espasio pa move i baila. Den VIP tin ‘open bar’ i lo parti pasaboka. Benta di karchi VIP ta kuminsá e siman aki i nos ta anunsiá esaki riba nos página di facebook. Importante ta pa sa ku e entrada mes pa públiko kompletu ta pòrnada pero e VIP si lo kobra p’e pa e èkstra servisio spesial ku bo ta risibí.
Nos spònsernan
Nos kier gradisí gobièrnu di Boneiru pa su sosten i tambe nos spònsernan ku ta Obersi Group komo spònser prinsipal i ku pa mas ku 30 aña ta kontribuí na Regata, Don Andres, Insel Air, Nagico, Selibon, MCB huntu ku BSure, WEB, Curoil, Rocargo, Don Andres, Mega Hit FM, Bon FM, Xpedition, TCB, Nos TV, Cactus Accounting, Budget Rent a Car, Marriott, Eden Beach, Den Laman, Budget Marine, El Tigre i BSSA. Nos ta hopi agradesido di tin nan komo partner den Regata 2017. Sin nan sosten Regata no por tabata posibel.
Rifa
Durante siman nos lo saka mas rifa di entre otro Kids Corner, Regata T-shirt i VIP-ticket riba nos página di facebook, pues keda sigui nos pa mas premio fabuloso. Pa mas informashon òf pregunta relashoná ku Regata por meil nos na: info@regattabonaire.com òf bishitá e wèpsait ofisial di Regata: www.regattabonaire.com.
