29 aña di programa “Na drèmpel di fin di aña”


Na Aruba tin un programa masha gustá ku ta hiba di nòmber “Na drèmpel di fin di aña”. Ta trata aki di programa ku ta wòrdu presentá e aña aki, den su di 29 edishon, unda esun ku a bin ku e idea i ketu bai ta kondusiendo esaki ta e konosido lokutora i direktora di radioemisora Magic FM, Erin Croes.

Ta trata di programa ku un i tur por sigui na unda parti di mundu ku bo por ta, ku ta wòrdu presentá riba e frekuensia 96.5 FM, for di Aruba, kual tambe por wòrdu skuchá via Internèt, unda tur aña ta toka un tema. Durante di e programa aki un i tur por kuminsá sinti e ambiente di fin aña, den tur aspekto i prinsipalmente kon e pueblo di Aruba ta selebrá e temporada, unda inkluso ta pone atenshon na agrupashonnan musikal i e ambiente festivo di e fecha di selebrashon di nasementu di Kristu Hesus.

Nos a papia ku Erin Croes, kende no kier a bai den masha detaye splikando di ta un hende ku ta gusta traha den silensio i tampoko kier elogio pa nada ku e ta hasi, i sigur pa su pueblo.

Si el a splika ku ta trata di un konsepto unda el a skohe for di e di dos djabièrnè di luna di òktober, pa kana yega fin di aña. E eskoho pa inisiá ku esaki tur aña for di luna di òktober, ta debí ku ta trata di un luna di grasia, flor, ku yen di splendor, unda e tema di e aña aki ta “The Love for the Peace”.

E programa di aña 2017 lo kuminsá riba djabièrnè dia 13 òktober próksimo, unda lo bai tin un tremendo ambiente na Aruba, inisiando e tradishonal dushi temporada anual, di selebrashon di fin di aña.

#ARUBA #NEWS #INTERVIEW #LOCAL #EVENTS

Featured News
Recent News
Archive
Search By Tags