‘Gigi’ huntu ku Fenty Music den Regata 2017 na Boneiru
Givienca ‘Gigi’ Clotida, lo bai ta na hermana isla Boneiru próksimamente. ‘Gigi’ lo aktua ku ‘Fenty Music’, ku ta e banda di momentu na Boneiru. E presentashonnan di ‘Gigi’ lo bai ta durante di e periodo di e próksimo Regata. Aki e kantante femenino ku a kanta tambe den pasado ku bandanan di Kòrsou, manera ‘Tune’ i ‘Dreams’ i tambe ta artista invitá últimamente di e banda di Aruba, Buleria, lo bai ta den front di ‘Fenty Music’.
E ‘Diva Gigi’, ta esun ku ta interpretá e kansion di Izaline Calister, kombinando bos ku e kantante Ron Martis di Buleria, aktualmente. Boneiru pues mester ta pendiente pa presensia e presentashon di e dama di ambiente ‘Gigi’ durante Regata, kompañá pa ‘Fenty Music’ pa Regata 2017. Lo bira un ambiente tur afó na Boneiru, unda tambe lo tin mas agrupashon musikal for di Kòrsou presente. Lo bai tin tambe entre otro ERA, Gentz, Kassav i tambe e BAS ku ta e banda di e streanan boneriano di farándula.
