‘Rocco’ i ‘Ataniro’ grabando videoclip huntu ku ‘Jason Vic’ i su tim na Kòrsou


E agrupashon musikal di Aruba, Buleria resientemente a lansa un piesa nobo riba merkado. Esaki ta hiba di título ‘Dos kachó i ta konta ku interpretashon di e konosido kantante Rodrick ‘Rocco’ Franken, i tambe Janiro ‘Ataniro’ Eisden. E piesa aki ta un komposishon di Quincy Comenencia i Dwight Leoneta i ta konta di dos kachó ku ta den guera ku otro pa un wesu, unda un otro ta pasa i bai ku esaki. Miéntras tantu awor ta trahando riba un videoclip di e piesa, unda e crew di “Jason Vic”, konosí riba retnan sosial pa su imitashonnan chistoso, tambe lo ta parti di dje. Ta trata aki di e grupo di hóbennan, konosí tambe pa “Mas kalmèki ku nunka”.

Pronto lo bai tin un videoclip di piesa, den kual por mira tur esnan ariba menshoná, ku ta primintí di bai dal duru i bira un gran produkshon, ku ya un i tur por ta pendiente pa mira. E grabashon ta tumando lugá na Kòrsou i ta den man di otro gran kantante i bon konosí pa produkshonnan visual, kende ta Ryan ‘QD’ Navarro.


Featured News
Recent News
Archive
Search By Tags