‘Rocco’ i ‘Ataniro’ a graba: Videoclip pone pa keda lansa dia 23 òktober 2017

Rodrick ‘Rocco’ Franken i Janiro ‘Ataniro’ Eisden a graba parti di e videoclip ‘Dos Kachó’ na inisio di e siman aki, ku ta e promé siman di luna di òktober 2017. Ta trata aki di videoclip, ku ‘QD’, lo bai hasi posibel pa bira algu ku sigur ta bai dal duru i ta planiá pa sali kaya durante di e último siman di e luna aki. Esaki pa ta mas eksakto riba djaluna dia 23 òktober 2017.

Ryan ‘QD’ Navarro, kende ta bon konosí pa produkshonnan visual, ta hasiendo un gran trabou, unda den oranan di dia di e mainta di djamars dia 3 òktober, por a mira e duo ariba menshoná, den pleno grabashon, kual Trendsz ta kompartí ku bo. Tabata algu promé ku nan subi buelo di regreso pa Aruba.

Lo bira un clip ku lo pone atenshon na kontenido di e piesa ‘dos kachó’ ku e agrupashon musikal Buleria di Aruba a kaba di lansa. E videoclip ta konta tambe ku partisipashon di e hóbennan ku ta konosí pa e imitashonnan chistoso, ‘Jason Vic i su crew’. Pues garantia pa un videoclip ‘mas kalmèki ku nunka’.

#NEWS #LOCAL #CURACAO #ARUBA #RITMO

Featured News
Recent News
Archive
Search By Tags