Cizzle: “Mi ta spera mi fanátikonan por komprondé... ”


“Mi no a bandoná O.N.E. Si mi a buta músika un banda un ratu, pa mi por focus riba mi metanan nobo, manera Trupial Media”, tabata e promé reakshon di e kantante konosí komo ‘Cizzle’.

Ki ta bai pasa? “Lo mi toka ku O.N.E. den futuro komo ‘special guest star’, lo no bai haña mi regularmente den front. Mi a yega na un punto den mi bida pa buta mi futuro promé, i esei ta nifiká pa buta muzik un banda un ratu, pa mi focus ta 100%.

Ora mi sa ku mi bida ta riba mi mes dos pianan atrobe, mi lo sigui ku muzik. Mi plannan pa 2018 ta grandi, tambe komo un artista solista. Mi tin sigur 8 kantika kla ku artistanan manera Mason, Mosta, Ziko, TSeaN, Uzimatic, Harvey Isidora, IrSais i mas...

Banda di eseinan tambe mi videoclipnan, ku a wòrdu lansá kaba. Mi ta djis warda e momentu korekto pa reaktivá. Spera tur mi fanátikonan por komprondé esaki, paso kon ku bai bin, ta pa nan mi ta hasié, pero na e momentunan aki, mi mester pensa riba mi mes promé i kuida mi mes i mi famia”, asina Cizzle’ a finalisá bisando “Trendsz”.

#NEWS #LOCAL #CURACAO

Related Posts

See All
Featured News
Recent News
Archive
Search By Tags