‘Kisha’ di apénas 14 aña ta un próksimo strea briante

Trendsz a hiba kombersashon ku un talentoso hóben. Ta trata aki di e hobensita di apénas 14 aña di edat, Yukisha Cristina, kende ta mihó konosí komo ‘Kisha’, kual tambe ta su nòmber artístiko.

‘Kisha’ ta un hóben kantante ku a bin ta destaká, despues di tabata hasi lokual e tabata gusta, ku ta kanta, komo hòbi. E tabata post grabashonnan riba facebook, kantando piesanan ku tambe su mes persona tabata skibi. Tabata aki, ku e la keda aserká pa e konosido kantante, Chris ‘Cizzle’ van Thiel, unda bou di su guia e la sigui profilá.

“Fo’i’ chikí mi tabata gusta kanta na Hulanda, pero dia mi a bin Kòrsou, mi a kuminsá post video riba Facebook, ku kantikanan ku mi mes tabata skibi. Riba un dia ‘Cizzle’ a aserka mi pa bira mi coach i asina mi a kuminsá krese i saka produkshon. Aworakí mes tin 3 ku ta klá pa bai kaya”, ‘Kisha’ a deklará. E promé kansion di e studiante di MIL, yama “Nevermind” ft ‘Dèz’. Miéntras ku e 3 kansionnan ku ta klá i pronto lo sali riba merkado, ta hiba di nòmber Wowo riba e money’, ‘Nos Dos’ ft Harvey Isidora i tambe ‘Sua’ ft Zoinx. Laga nos keda pendiente pa Kisha.

#LOCAL #CURACAO #NEWS #TEENS

Related Posts

See All
Featured News
Recent News
Archive
Search By Tags