“Missing You” lo bira e promé piesa ku ‘1OAK’ ta manda kaya


Un piesa ku lo hiba di título “Missing You”, lo bira e promé grabashon ku e banda nobo den farándula di Aruba, lo manda kaya. Ta trata di e agrupashon musikal ‘One Of A Kind’ (1OAK), ku lo mira lus di dia, riba dia 27 òktober próksimo na Aruba, den un fiesta baliabel, huntu ku e agrupashon musikal Orkesta Vega, for di Kòrsou.

“Missing You”, lo bai ta un piesa, interpretá pa e kantante Rayner Sprott, ku ta parti di e frònt di e banda, ku ta wòrdu dirigí pa Jurick Salomon. E kantante di 20 aña di edat, Rayner Sprott, su pashon semper tabata kantamentu. Su stimashon pa kanto i músika a bin debí na su tata, kende ta un legendario músiko i kantante na Aruba, Reynaldo ‘Mighty Rusty’ Sprott. Miéntras ku tambe e ta un hóben ku baliamentu ta un parti ku e ta gusta hopi, kual sigur lo e bai kombiná esakinan. Rayner su promé eksperensia riba esenario, tabata ku su 8 aña di edat, na momentu ku e la partisipá den kompetensia di Calypso & Roadmarch na Aruba. Esaki tambe tabata hustamente e promé paso den su karera komo kantante.

Komo mucha Rayner tambe a presentá na diferente okashon den Kas di Kultura i tambe den eventonan di e barku ‘Freewinds’, despues di a sigui ku kantamentu. Ku su di 17 aña e la uni na un banda ku su tata, unda nan tabata toka den Casino na Riu Palace Aruba. Seguidamente na aña 2016, un biaha mas ku su tata, nan a kambia i a forma un banda ku yama “4 Real”, ku tabata presentá durante temporada di Karnaval. Ku e hóben kantante aki su di 19 aña di edat, e la bolbe bai forma parti di e banda di su tata na Casino, unda e tabata e kantante prinsipal, sigur pa 1 aña largu, promé ku e aserkamentu pa forma parti di ‘1OAK’. Despues di a tuma algun tempu pa por yega na un desishon, ya un ke otro ta asina leu i e promé piesa di e banda, ta hustamente den bos di Rayner Sprott. E piesa aki lo subi kaya, djaluna próksimo, ku ta fecha 16 òktober 2017.

#ARUBA #LOCAL #NEWS #NEWRELEASE

Related Posts

See All
Featured News
Recent News
Archive
Search By Tags