Highway Band ta lansa piesa nobo “Aunke bo ta leu” e siman aki


Próksimamente Highway Band lo bai lansa un piesa nobo riba merkado. Ta trata aki di e entertainment band, ku ta konta ku e kantante prinsipal Roald Balentien. Roald ta eks kantante di e agrupashonnan musikal ‘No Game’ i tambe Gio Fuertisimo. Ta trata di un agrupashon ku ta konta tambe ku e konosido kantante femenino Judienne ‘Lady Kleine’ Lebacks. ‘Lady Kleine’ tabata forma parti di agrupashon musikal Guess.

Highway Band a bin ta profilando bon; Trendsz a papia ku e líder, Roald Balentien kende a konfirmá un ke otro. “Mi ta kere nos ta bai lansa e kantika e siman aki. Laga mi kuminsá duna bou algun info. E kantika yama “Aunke bo ta leu”. E kantante ta Judienne Lebacks (Lady Kleine). Letra/melodia modifiká pa Harlan de Haas i Roald Balentien. Miéntras ku grabashon/mastering & mixing tabata den man di Clifford Martina. Ku esaki tambe Highway Band ta saka su di dos produkshon. E promé yama ‘Mágiko’, kantá pa mi mes persona. Debí na un skema asina drùk, nos mester a warda un ratu ku grabashon, pero e momentu korekto a yega. Mi ta kere ku esaki lo bira tambe e último tambe pa aña 2017, paso mirando nos agènda, mi ta duda ku tin espasio pa mas aktualmente”.

#CURACAO #LOCAL #NEWS #NEWRELEASE

Featured News
Recent News
Archive
Search By Tags