Tommy-Lee Halman, " Mi ta den Buleria ketu bai..."


Ya for di algun dia i na inisio di e siman aki aún mas, manera un koriente tabata kore e informashon ku e kantante Tommy-Lee Halman di Buleria, no ta parti di e agrupashon musikal aki mas. Trendsz mesora a komuniká ku doño kurpa, kende a konfirmá ku su persona tambe a bin ta tuma nota di e informashonnan ku tabata sirkulando entre otro riba retnan sosial.

“Ainda mi ta den Buleria. Pero si, mi ta bai focus tambe riba kantikanan di mi mes, miéntras mi ta den Buleria. Bo mes sa, hasi algun kos èkstra. Konfirmá si ta, ku mi ta bai hasi mas músika. Esei básikamente ta e kos. Manera mi a bisa kaba mi ta bai hasi mas ‘music’, pero ainda mi ta den Buleria. Ya, ami no por yuda hende su boka. Esei nan sigur no ta mi problema”, e kantante a splika, konfirmando ku ainda e ta parti di e agrupashon musikal.

#ARUBA #LOCAL

Featured News
Recent News
Archive
Search By Tags