Djuric Virginie pendiente pa manda ‘Sin Lenga’ kaya


TRENDSZ a hiba un kombersashon ku e konosido kantante lokal Djuric Virginie, mihó konosí komo ‘Dju-Dju V.’ E kantante ku ta forma parti di e frònt di e agrupashon musikal Gentz, tin algun kos nobo pa pronto manda kaya. Ta trata di dos piesa nobo, unda un di esakinan inkluso lo bai tin su videoclip.

Djuric a splika ku ta trata di dos piesa, unda ainda e no sa kua lo e lòs promé i kua lo e bai warda pa e álbum nobo di Gentz. “Mi tin dos piesa pendiente. Mi no sa ainda kua lo mi saka i kua lo mi manda álbum. Un ta lihé i di ambiente i e otro ta mas pa eduká hendenan den relashon. Esun poko mas lihé yama “Sin lenga”, miéntras ku e otro lo hiba di nòmber “Relationship Breaks”. E di dos tabata poko difísil pa yega na un nòmber p’e, Tabata e intenshon tambe pa yam’é “Bye bye” òf un otro nòmber primeramente. Esaki lo bai tin un videoclip tambe, ku nos lo kuminsá graba na fin di luna di novèmber aki”, asina Djuric Virginie a deklará na TRENDSZ.

#LOCAL #CURACAO #RITMO #NEWRELEASE

Featured News
Recent News
Archive
Search By Tags