Interes kresiente pa presentashon di Ilan Chester durante 'Taste of Music'
E organisashon tras dje evento di ‘Taste of Music’ ku lo tin komo atrakshon musikal Ilan Chester, Randal Corsen i su big band i Junior Tecla a disidí di pone un fecha kaminda nan lo duna e públiko oportunidat pa kumpra nan karchinan pa e evento na un preis redusí. E ‘gimmick’ lo tuma lugá riba djaluna, 6 di novèmber 2017 entre 5’or di atardi pa 9’or di anochi na O’Mundo situá na Zuikertuin Mall.
Pa e ‘gimmick’ e preis di karchi general ku ta kosta 65 florin lo kosta 50 florin, miéntras ku e karchi pa VIP ku ta duna bu akseso na: e ‘VIP lounge’ entre 8’or pa 11’or di anochi; parker priva; VIP sinta na mesa; servisio di weiter, baño priva i 20 ‘token’, normal ta kosta 225 florin pero pa e ‘gimmick’ lo kosta únikamente 175 florin. ‘Taste of Music’ ta tuma lugá dia 2 di desèmber 2017 na Lanthùis Chobolobo. No pèrdè e oportunidat úniko aki pa kumpra bo karchi delantá.
E ‘gimmick’ lo tuma lugá riba djaluna, 6 di novèmber 2017 entre 5’or di atardi pa 9’or di anochi na O’Mundo situá na Zuikertuin Mall.
