‘WhatsApp’ esun di mas nobo pa DXBT


Despues di nan promé single, “Mi no por imaginá”, DXBT ta toka un tema hopi popular awendia, ‘WhatsApp’. E manera mas lihé pa komuniká i manera nos tur sá, tambe un di e maneranan pa hasi e promé kontakto. Den e kansion ‘WhatsApp’, DXBT ta konta netamente esei; e integrantenan ta pidi e damita di nan soño pa su number di whatsapp. E kansion fushon reggaetòn/house kantá na Papiamentu, Ingles i Hulandes a keda produsí pa Greyan Pastor i ta konta ku un video clip ku a keda lansá djabièrnè último.

Mayoria yònkuman di nan edat ta namorá pa promé bes i den e tempu moderno ku nos ta bibando, e promé stap ta, haña sá e number di WhatsApp! DXBT ta un grupo ku ta konsistí di 3 mucha hòmber teener, i ta kanta loke mayoria hóben di nan edat ta eksperensiá. Nan a bin ta hasi algun stap importante pa nan kresementu komo grupo den farándula, e.o nan presentashon na Urban Festival ku sigur a sirbi komo un bon introdukshon. E kansion lo kuminsá zona awe na radio-emisoranan lokal i ta sigur ku e lo ta un otro hit bou di hubentut eskolar. Hóbennan por sigui DXBT riba Snap Chat (youth), Facebook/Instagram: DXBT / DecodedOfficial. Tambe por stream riba iTunes/ Spotify/ Google Play/ Apple Music. Sigui artistanan di Decoded via di nan YouTube Channel: Decoded Official

#CURACAO #LOCAL #TROPICALHOUSE

Related Posts

See All
Featured News
Recent News
Archive
Search By Tags