Sera konosí ku DJ Karixon i ‘Talento di kaya’


TRENDSZa hiba kombersashon ku Genard ‘DJ Karixon’ Mohamed. Ta trata aki di un persona kende a nase na Aruba i durante di hinter su bida a dediká na músika.

E la bira konosí, despues di tabata un di e poko nan ku tabata produsí EDM (Electronic Dance Music). Esaki a hasié rápidamente popular, unda mesora a inisiá ku interesnan i kontratonan pa ku su presentashon. Miéntras tantu awor e ta dediká na músika riba kaya, ku ‘Talentonan di Kaya’. “Mi a aktua den festivalnan grandi na islanan ABC, manera entre otro den ‘Electric Festival’ i tambe ‘Flip Flop’ na Aruba, ‘den Amnesia’ i ‘Su’ legria’ na Kòrsou i ‘Utopia’ na Boneiru. Banda di e aktuashonnan aki, tambe mi a logra pega diferente hit na radio, unda tambe mi a logra gana un award, komo premio di e mihó di DJ di aña 2015 na radio.

Miéntras tantu 2 aña pasá mi a bin Hulanda, pa asina por a sigui studia den musikal na Rijn Ijssel. Unabes aki mi a bin ripara ku interes pa EDM, ta mas grandi ku na Aruba i ku e konkurensia den esaki ta enorme, unda komo un nobato bo ta kai chikí.

Lokual ku si mesora a hala mi atenshon ta e músikonan ku ta toka riba kaya na Hulanda, lokual ku no ta konosí na Aruba. Den diferente suidatnan grandi mi a tuma nota di talentoso músikonan aktuando riba kaya. Tabata aki ku mi a haña e idea den trabou musikal konhuntamente, unda mi a bin ku e “Talentonan di Kaya”, DJ Karixon a duna di konosé. Siguiendo riba e tema, e la splika mas aleu ku su idea a bin kristalisá na su pais natal Aruba. Pa esaki por a bira posibel Genard Mohamed, a splika TRENDSZ kon tur kos a kana.

“Luna di yüli, ta e luna ku mayoria studiante arubano ta regresá kas pa asina pasa dianan di vakashon ku famia-, amigu- i konosínan. Esaki mi tambe a hasi i tabata despues ku mi a kumpra mi tíket, ku mi a bin na e idea, pa por introdusí ‘Talento di Kaya’, na Aruba. Kon lo mi a hasié un realidat si, mi no tabata sa, debí di no tabata sa ku tin músikonan ku ta aktua riba kaya, na Aruba.

Den mi intentonan pa por sa ku tabatin òf ku tin ku e interes, mi a tende di ‘Mosky’, kende ta Cecil Gario. Nan a splika ku e tabata unu ku tabata toka den bario di Sanikolas na Aruba, ku su kitara. Despues di basta buska mi a logra haña kontakto ku su persona i sigur no tabata fásil pa konvensé ‘Mosky’ di un ke otro, primeramente na telefon. Durante nos reunion e la bin na splika di sa ken mi ta i ya den pasado a bisa di lo kier traha ku mi, despues dia mira un presentashon di mi na televishon. Despues ku nos a yega na un akuerdo, mi a tuma kontakto ku “Chahmi Films”, pa por a hasi e grabashon, ku seguidamente a bira realidat.

#LOCAL #ARUBA #BONAIRE #CURACAO #EDM #NEWS

Featured News
Recent News
Archive
Search By Tags