Chaika, Kèmpi i Rich Kalash pronto ku piesa i clip nobo
TRENDSZ a hiba kombersashon ku e konosido kantante lokal femenino, kende ta ‘Chaika’ Danoutah Sammy. Esaki riba algun kansion nobo, ku e tin na kaminda. Ta trata di kosnan ku ya ta kla i un ora pa otro ta riba merkado.
‘Chaika’ ta konosí pa e piesanan ku ya e la interpretá den pasado, manera “Felis mané mi ta” i resientemente tambe e piesa ku ta hiba di título “Bèlèng”. “Mi ta trahando riba kosnan nobo, pa nos manda kaya. Entre esakinan mi tin ku bisa bo ku tin kosnan klá ku un ora pa otro ta subi kaya. Sigur e siman aki.
Ta trata di un piesa i tambe su clip ku nos a kaba di keda klá kuné na inisio di siman aki. Esaki ta un kantika di mi, huntu ku e rapper ‘Kèmpi’, unda nos ta kombiná ku e konosido ‘Rich Kalash’. Despues ku ‘Rich’ a skuch’é i lógikamente komo ku e tabata aki nan, nos a probechá pa bai studio mesora, unda e a graba e ora’ei su parti, pa despues nos a komplet’é i ‘Kèmpi’ ta riba e hook i ta un produkshon di “Getamilli”. Mi a pensa te ainda pa pone e piesa aki yama “Pon Road”. E ta un ‘song’ ku ta bai over di un pareha. Mundu kompletu, ke mira nan kibrá. Pero nan relashon ta ineksplikabel. Ride or die, ....Bonnie and Clyde”. E kantante inkluso a kompartí algun letra di e piesa, unda nos di TRENDSZ tambe ta pendiente, manera ‘Chaika’, mes a finalisá bisando.
