Kenitooh feat. Timo i AC-Dres zonando ‘Flex’


For di nan lansamentu e kompania di produkshon lokal Decoded, a bin ta produsí hóbennan talentoso di un manera strukturá i demostrando kreatividat i konosementu den maneho di artista. Esaki ta vigente ku e hóbennan Kenneth ‘Kenitooh’ Lacrum, Adhrec ‘AC-Dres’ Cannister i Timothy ‘Timo’ Rodrigues tambe. E trio ya a lansa un track den 2017 i awor ta introdusí e di dos huntu ku Decoded. E piesa titulá ‘Flex’ ta netamente papia di un vibrashon ‘teener’, ambiente bou di hóbennan di entre 12 ku 18 aña di edat.

E piesa, produsí pa Greyan Pastor ta papia di un grupo di amigu, gosando di bida. Kenitooh feat. Timo i AC-Dres ta presentá e ‘trap’ aki komo un piesa di bon vibrashon- un ‘pa chill song’ i ta sigur ku e lo ta un faborito riba playlist di e teener konsiderando e popularidat inmenso di e género musikal ‘trap’. E video clip ya tin 23,000 views riba YouTube i ta premirá ku ‘Flex’ lo sigui oumentá na popularidat pa e próksimo temporada. Por sigui artistanan di Decoded riba instagram i snapchat. Fanatikonan por mira e videoclipnan riba e Youtube Channel @decodedofficial òf solisitá e track ‘Flex’ na nan radio preferí. Ademas, por stream riba ITunes, Spotify, Google Play i Apple Music.

#NEWS #URBAN

Related Posts

See All
Featured News
Recent News
Archive
Search By Tags