E promé nòmbernan di CNSJ, Jason Derulo, Carlos Vives i Sean Paul rumbo pa Kòrsou


Ku orguyo nos por anunsiá awe ku niun hende ménos ku Jason Derulo, Carlos Vives i Sean Paul lo bini Kòrsou pa Curacao North Sea Jazz Festival 2018. Tambe por anunsiá binida di Spyro Gyra i e Trio Michel Camilo. Organisashon di CNSJF ta trahando riba diferente otro artista. Lo anunsiá e artistanan aki den kurso di lunanan benidero. E di ocho edishon di e festival lo habri djaweps 30 di ougustus ku konsiertonan grátis den World Trade Center. Ya a keda konfirmá pa e anochi di apertura en todo kaso Silvestre Dangond.

Promé ku el a anotá bou di su mes nòmber algun éksito, e outor, kantante i bailarin Jason Derulo ya tabata komponiendo pa otronan. Despues di piesanan pa nòmbernan ku ta zona manera Lil Wayne, Pitbull, Diddy i Sean Kingston el a hasi su mes famoso na 2009 ku su promé disko sengel Watcha Say ku a resultá di ta na Merka direktamente na number un. Entre tanto Derulo a bende mas di 50 mion ehemplar ku a resulta 27 bes den platina, e bistasonan riba You Tube i streams den Spotify ya pa basta tempu kaba a surpasá e borde di mil mion ehemplar.

E kantante kolombiano, kompositor i aktor Carlos Vives a bira famoso komo strea den telenovelanan kolombiano i portorikeño. Aunke ku ya na edat hóben el a saka tres álbum ku balada, musikalmente el a bira popular despues di haña un ròl na televishon di e papel di e kompositor di vallenato Rafael Escalona. El a kanta e piesanan den e mesun serie aki i el a haña ku e dos pistanan original di sonido di e serie a bira éksitonan nashonal. Despues di esaki a bai e masha bon mes ku su kareda musikal. Na 2001 el a risibí pa su álbum Déjame Entrar su promé Grammy Award dor di ta e mihó Traditional Tropical Latin Album (Album tropikal tradishonal latino). Vives ta kombiná vallenato tradishonal ku elementonan di rock i e ta sigui saka álbum eksitoso. Ademas e ta hasi regularmente gira i e ta usa su eksperensia i konosimientu komo guía den e vershon kolombiano di The Voice. Na 2017 el a saka su di 15° álbum Vives, ku tin riba dje e éksito La Bicicleta, huntu ku e kantante femenina Shakira.

Despues di su promé éksito Gimme The Light na 2003 Sean Paul a bira popularísimo ku e piesa Get Busy i el a ripití esaki ku e piesanan We Be Burnin' i Temperature. Kooperando ku diferente otro artista el a sigui su ruta di éksito, di tal manera el a optené éksitonan ku Beyoncé Baby Boy, Enrique Iglesias Bailando, Sia Cheap Things i hopi otro mas. Entretanto Sean Paul a para bira un di e artistanan di salon di baile mas grandi di e epoka aki.

E banda di fusion di Jazz Sypro Gyra a alkansá eksito ku su di dos álbum Morning Dance na 1979, yegando na e nivel di platina i dos di su piesanan mas konosí entre otro ku e título Song For Lorraine. Entre tanto Spyro Gyra a produsí trinta álbum i a bende mas di dies mion di ehemplar. E banda ta kombiná Rythm and Blues i elementonan di Pop i músika karibense i Jazz i esaki ta funshoná, Billboard a aklamá nan como e artistanan di Jazz mas eksitoso di añanan 80.

Pianista i kompositor Michel Camilo mirá pa hopi komo un embahador di jazz latino, ta moviendo ya pa basta aña. Den añanan 80 kosechado tantu eksito komersial komo elogio di e krítikonan di jazz pa su dominio virtuoso di teklado di piano. A sigui masha hopi konsierto riba tarimanan prestigioso i na 2003 el a risibi un Grammy Award pa su álbum Live At The Blue Note.

E kantante kolombiano i a la bes instrumentalista Silvestre Dangond a manifestá ku su propio, vershon nobo di vallenato, un estilo di músika tradishonal di e parti karibeño di Colombia. El a forma primeramente un ekipo ku e akordeonista Ramon López i despues tambe ku e akordeonista Juancho de la Espriella ku huntu kuné el a graba shete álbum eksitoso i ku pronto el a kambia bira e akto mas grandi di e vallenato di e pais. For di e obra La 9a Batalla, su álbum di 2013, Dangond ta bira un artista solista, pero e ta sigui komandá e lista di éksitonan musikal. Su último álbum Gente Valiente a sali aña pasá.

CURAÇAO NORTH SEA JAZZ FESTIVAL 2018 World Trade Center Piscadera Bay Djaweps 30 di ougùstùs: Silvestre Dangond, tba Djabierne 31 di ougùstùs Jason Derulo, Sean Paul, Spyro Gyra Djasabra 1 di sèptèmber: Carlos Vives, Michel Camilo Trio

#CNSJ #NEWS

Featured News
Recent News
Archive
Search By Tags