La Diva GG konsiderando diferente opshon?


Ayera mèrdia, durante show di Ruvette Dirksz na Radio Direct 107, e ‘Reina di Ambiente’ a komentá ku Givienca Clotida a ‘zeg af’ oferta di trabou pa formashon di e GIO ‘nobo’. Tambe e’la komentá ku ta sobra dos mega kantante pa konfirmá nan partisipashon. Klaro, nos tambe ta skucha! Awe mainta, korant Vigilante ta konfirmá loke Ruvette Dirksz a komentá ayera tardi durante di su show.

Givienca Clotida, konosí komo ‘La Diva GG’ tin un silensio rondó di su partisipashon. Un kos ta sigur, na unda ku GG ta, tin ambiente! Últimamente GG su presensia komo ‘guest star’ permanente den frònt di Buleria a bin ta resultá masha bon mes pa e kantante i e banda. Durante di e último aña(nan) a krea sigur algun ‘hit’ ku e banda di Aruba. Ora pone e hitnan di Buleria huntu ku esnan di Dreams, GG tin un repertorio kayente ku por bòltu kualke fiesta.

‘La Diva GG’ den frònt di e GIO ‘nobo’ ta keda un pregunta. Aunke awe mainta korant Vigilante a skibi ku e kantante no ta interesá pa por lo pronto forma parti di niun agrupashon musikal. Trendsz.NET ta warda e kantante mes konfirmá of desmentí su partisipashon. Djayabanda kisas e opshon ta pa GG sigi ‘move’ ku HnlY Music, konsiderando ku nan tin e mesun maneho?

Un palabra di éksito na GG ku e desishon ku e’lo mester tuma próksimamente; nos a komprondé ku invershonistanan di e GIO ‘nobo’ e pone un pago formal pa GG riba mesa di negosiashon. To be continued....

#CURACAO #NEWS

Related Posts

See All
Featured News
Recent News
Archive
Search By Tags