Gibi Doran: “Tin hende fuerte pará pa trese GIO bèk pero nada no ta konkreto”


TRENDSZ despues di basta rumor ku tabatin, for di despues di e periodo di Karnaval, a kòmbersá durante di e promé fin di siman di luna di mart 2018, ku doño di kurpa Gilbert ‘Gibi’ Doran.

Durante di e simannan aki a papia di integrantenan i inkluso esnan kende lo bai forma e front di GIO ‘nobo’.

Relashoná ku esaki, Gibi Doran mes, a hasi un deklarashon na TRENDSZ, kontestando algun pregunta risibí di e siguiente forma: “Hopi hende ta mi tras pa hasié. Pero mi ta pensando, mirando ku aworakí merkado no ta manera ántes mas, ounke ku GIO tin super hopi fanátiko. Durante di e aña ku a pasa, mi a nota sigur ku e farándula ta ‘off’ i manera nan ta bisa GIO ta hasi falta, no tin nada pa trese kompetensia. Anto ta esei tin mi ta pensa pa bin bèk ku GIO. Pues nada konkreto ainda. Tin hendenan fuerte pará pa trese e proyekto bèk. Esei ta loke mi por deklará te na e momentunan aki. Músikonan tur ta interesá. Di kantantenan nada no ta sigur ainda, tur ta solamente rumor”, Doran a finalisá bisando.

#NEWS #RITMO

Featured News
Recent News
Archive
Search By Tags