Kendrick Maxwell ku propio entertainment band “Maxwell & Friends”


E kantante Kendrick Maxwell, kende anteriormente tabata parti di e agrupashonnan musikal Dreams i tambe Dejavu, lo bai inisiá ku su propio Entertainment Band próksimamente.

Maxwell aktualmente ta forma parti di e agrupashon musikal O.N.E. i a bira konosí, pa su hit ‘Atrapá bo amor’, huntu ku e agrupashon musikal Dejavu. TRENDSZ a kòmbersá kune, relashoná ku e último informashonnan ku tin di su persona i tambe su metanan.

Entertainment Band nobo?

Maxwell ta pendiente, pa kuminsá ofisialmente ku un Entertainment Band. Esaki lo hiba di nòmber “Maxwell & Friends, kual lo ta un konstelashon di 4 persona. Riba esaki e kantante a deklará ku “Maxwell&Friends ta un konsepto di mi amigu/koleganan músiko. Lo bai ta algu den un konstelashon di 4 persona, ku lo bai tin un repertorio variá, pero ku e focus mas riba e ‘Latin-Music’, ku ta mas ‘in’ aktualmente. Ta esaki mi por bisa bo te na e momentunan aki. Paso mi no por ninga, bèrdat bo mes a puntra mi di dje kaba”, Kendrick a konfirmá, despues di a duda poko i keda poko sorprendé, ku ya TRENDSZ tabata na altura di esaki.

Ken lo ta e músikonan?

“E nòmbernan di e otro músikonan di e Entertainment Band si lo mi laga bo sa despues. Nos ta moviendo den silensio, unda ya nos tin algun presentashon tras di lomba, pero ofisialmente nos ta buskando un klup. E mester ta kuadra ku nos konsepto, pa asina nos kuminsá ku un tradishon i hasi e debut ofisialmente. Nos ta den kombersashon kaba si, pues ta kos di un ora pa otro”, segun Kendrick Maxwell.

Piesa i Video Clip nobo:

“Mi tin un piesa nobo titulá "Anochinan mi so", ku ta komponé i areglá pa ‘Dopie Getamili’, unda mi tambe a pone mi toke aki aya, na e parti di komposishon aki. E piesa ta pendiente pa sali ofisialmente ku su clip, durante di e promé siman di luna di aprel próksimo. Pa mi duna bo un tep di esaki i laga un i tur keda pendiente, lo bai ta algu den género di Urban”, Maxwell a splika.

Ketu bai ku ONE

Finalmente e la konfirmá tambe di ta moviendo ketu bai ku O.N.E., unda ku tambe mester ta pendiente pa kosnan nobo.

“Si mi ta move ku O.N.E. ketu bai. Nos ta den siman di grabashon, pero zoiezo, riba mi mes tambe mi ke hasi par di moveshon”, e kantante a finalisá bisando.

#NEWS #CURACAO

Related Posts

See All
Featured News
Recent News
Archive
Search By Tags