Tyrone awor komo solista ta ‘ready’ pa un otro etapa


Tyrone ‘Ty’ De Freitas, lo ta bèk den farándula komo solista. Ta trata aki di e kantante arubano, konosí tambe den e front di Buleria. Despues ku e tabata pa un periodo inaktivo, unda e la analisá farándula, e ta kla pa sali positivamente. Esaki ku un solo meta, ku ta pa deleitá tur e fanátikonan di su persona, kende semper a sostené. Tyrone su plannan pa 2018 lo konsentrá den produkshonnan komo solista i algun featurings pa ku otro artistanan solista, bon konosí tantu na Aruba, i tambe den eksterior. Nos a hasta kompronde ku e lo feature ku Buleria proksimamente.

E kantante ta bai konsentrá pa duna tur ku tin i sigur semper e lo ta habri pa kualkier interes pa ku su persona por mira aktuashon den fiesta- i eventonan, tantu privá komo tambe públiko. Su agenda lo keda maneha dor di Johnathan Lake. E intérprete di e piesa “Regalá mi”, ku tabata un di e tantísimo hitnan di Buleria, ta konosí pa konkista e damitanan ku su karisma. Pues na tur fanátiko di e kantante aki, keda pendiente paso ‘Ty’ ta kla pa Aruba, Boneiru i Kòrsou un biaha mas i sigur sin lubidá Hulanda.

Tyrone di su banda ta gradisi tur fanátiko ku a warda ku tantu pasenshi pa su regreso. “Mi tei bèk, anto ku hopi gana pa duna tur fanátiko lokual nan kier”, E kantante a finalisá bisando, den un kombersashon ku TRENDSZ .

#NEWS

Featured News
Recent News
Archive
Search By Tags