‘Hnry-B.’ ku algun grabashon nobo na kaminda


Henry ‘Hnry-B.’ Bernadina, ta otro di e músiko/kantante nan, ku TRENDSZ a papia kuné den e dianan tras di lomba. Esaki relashoná ku moveshonnan di su persona den farándula.

Ta trata aki di e kantante di Entertainment Band, Dolce Banda, kende lo bai tin piesanan nobo próksimamente riba merkado, ku tantu su agrupashon musikal mes, komo tambe ku e agrupashon musikal Euphoria, na Hulanda.

Henry B. kende den pasado tambe a militá den e agrupashon musikal Danza, ta konosí pa su hitnan manera entre otro “Mi gusta wak bo”, “Baila mi” i tambe “Ban bèk”.

Miéntras ku e banda Euphoria na tera friu, ta konosí pa nan kantante estelar J.V. Felicia, kende ta ruman hòmber di Hunnely Felicia. E banda aki a kaba di saka un piesa ya eksistente ku J.V. mes tabata interpretá, ku ta hiba di nòmber ‘Sirkunstansia’.

Bernadina a konfirmá, ku su piesanan nobo ku ta na kaminda i tambe Dolce Banda mes, lo ta kayente pa aña 2018. “Tur siman nos ta tokando. Nos ta trahando tambe riba algun tradishon nobo, pa sigui laga pueblo gosa. E piesanan nobo lo ta riba merkado, sigur promé ku e 3 lunanan benidero pasa. Pues sigur promé ku mei kaba. Un kos si, ku ainda mi no por bisa bo, ta e nòmber di e piesanan. No ta ke mi no ke bisa bo, pero te ainda mi no duna nan nòmber. Esei ta e kos”, ‘Hnry-B.’ a splika den un kombersashon realisá ku TRENDSZ.

#NEWS #CURACAO #LOCAL

Featured News
Recent News
Archive
Search By Tags