Fundashon Bon Intenshon lo organisá e promé Festival Di Pueblo dia 2 di yüli próksimo


Kòrsou pronto lo tin un festival mas agregá na e diferente festival nan annual. Riba 2 di yüli próksimo Fundashon Bon Intenshon lo organisa e promé Festival Di Pueblo.

Ta e intenshon pa e festival aki bin bèk kada aña riba dia di Bandera. Nos lo selebrá e festival aki den Otrobanda den estrecho koperashon ku tur otro stakeholder. Lo sera Breedestraat for di Neto Bar te Brionplein, p’asina henter e area ei bira un area asesibel pa públiko.

Lo tranformá Breedestraat den un area festivo, kaminda lo tin aktuashon di e.o. banda nan lokal, tipiko nan di Kòrsou, lo tin tènt nan di kuminda krioyo i tambe lo tin benta di boka dushi i otro kos nan kultural Kurasoleño. Entrada ta grátis i e Festival ta kuminsá pa 1or di mèrdia i ta kaba 7or di anochi. Pronto lo sigui mas informashon riba e promé edishon di Festival di Pueblo.

#NEWS #CURACAO

Featured News
Recent News
Archive
Search By Tags