‘Yin Yang’ di Dreams ta kuminsa zona awe


E tema ta inspirá for di filosofia chines; un deskripshon di e manera kon forsanan kontraste por tòg komplementá otro perfektamente. Por ehèmpel, skuridat i klaridat, tambe positivo i negativo- maske nan ta kontraste, di un manera independiente nan ta komplementá otro. ‘Yin Yang’ ta un búskeda eterno pa tur ku ta deseá un relashon di amor eksitoso. ‘Yin Yang’ kantá pa Remy Joss ta un komposishon i areglo di Axel Pikero i lo kuminsa zona awe na tur radio-emisora lokal.

Ya kaba for di siman pasá e banda a indiká riba nan página di Facebook ku nan ta pendiente pa saka un piesa nobo. E tim di maneho di Dreams ta moviendo stratégikamente e último lunanan i ya kaba por a komprondé ku ta pendiente- pa no únikamente mas piesa nobo ku featuring di diferente otro kantante huntu ku Dreams, sino tambe pa algun proyekto nobo ku e banda.

Remy Joss ta un kantante ku semper a desplegá bon trabou ku Dreams i ta parse ku Axel Pikero tin su malchi perfekto. Pikero a demostrá esaki ku dos montuno anteriormente i despues di algun ratu, awe Remy ta interpretá un piesa ritmo komersial estilo Dreams. ‘Yin Yang’ a keda grabá na Hitz Recording Studio dor di Quincy Comenencia i mesklá dor di Efrem Mambi. Mastering a keda den man di Sean Cannister. Ta invitá fanátikonan pa solisitá ‘Yin Yang’ na nan radio preferí, kompartié riba social media i bail’é durante kualke fiesta na unda Dreams lo presentá. Por sigui Dreams riba Facebook i Instagram.

#NEWS #NEWRELEASE #RITMO

Featured News
Recent News
Archive
Search By Tags