‘Stèph’ lo drenta studio ku Dreams, Amos, Tommy-Lee i Chris Strick


E kantante di Aruba, Stephanie ‘Stèph’ Gravenhorst, konosí tambe den mundu di Urban, tin diferente kos nobo na kaminda. Esaki ta informashon ku e propio kantante a konfirmá pa TRENDSZ, den un entrevista. Stephanie, ta konosí pa entre otro e piesanan “Si bo ke bo bai”, huntu ku Ataniro i tambe “Bon dia”, ku ta piesa, den kual e la kombiná bos ku La Diva GG unda nan tabatin kompañamentu musikal di Buleria.

“Mi ta bai kuminsá graba bèk porfin. Aña pasá mi no a hasi nada, pa diferente motibu pero e aña aki no ta pasa mi voorbij. Mi tin kantikanan di mi mes ku ta pendiente, ku ta mas den genero di Urban, pues rekordando na unda mi a kuminsá. Lo mi bai graba huntu ku entre otro Amos Balentin i Chris Strick di Kòrsou i tambe ku Tommy-Lee di Aruba. Banda di esakinan tambe mi ta pendiente pa graba den genero di ritmo kombiná. Mi tin plan pa traha ku Axel Pikero, pero no tin fecha ni nada kla ainda.

Tambe tin mas kos pendiente, pero ku ainda mi no ke bisa nòmber dje otronan. Pero aworakí mi ta grabando un kantika ku ta originalmente na ingles i mi a kambi’é full na nos dushi idioma. E titulo ta ‘REMEDI’, ku ta un kos speshal pa e hendenan muhé atrobe. Pues, mi no ta di un genero so”, ‘Stèph’, a finalisá bisando.

#ARUBA #NEWS

Featured News
Recent News
Archive
Search By Tags