Ronnie Flex a reprodusí 'Dream' di IrSais

E kantante ulandes Ronnie Flex a reprodusí IrSais su 'Dream' den un remix di NORI.E piesa ku a keda lansa aña pasá na 2017 riba e kompakto 'Deeper 2.0'- na papiamentu, awe ta konosé un vershon na ulandes. Ronnie Flex ta den tòp di popularidat na Ulanda, i IrSais ta definitivamente un di e kantantenan di ABC ku mas ta zona na radio FunX. Den e piesa, Ronnie Flex a mantené un frase na papiamentu... ainda por skucha den 'background' 'Mi Stimabo asina tantu'. Esaki sigur ta un desaroyo masha positivo pa e kantante i produktor lokal IrSais.