Janella Pietersz: "Radio Active ta un radio ku ta pas hopi ku e persona ku ami ta"


Manera tur hende sa e konosido lokutora i DJ na radio, Janella Pietersz e siman aki a kuminsá ku su programa na Radio Active 104.5 FM. Nos di TRENDSZ a kòmbersá kuné. “Mi a kuminsá ku mi karera na Hulanda, laborando na Radio Flevoland, ku un programa di antiano, na hulandes. Despues mi a disidí di bin purba aki na Kòrsou, kaminda mi por a kontinuá hasiendo mi trabou na radio, pero den mi idioma papiamentu.

Mi a traha na Omroep Flevoland, pa despues bin Curom (88 RockKòrsou), pa seguidamente laborá na Radiofruz (online) i TCFM. Tur esakinan promé ku awor aki ku mi a kaba di djòin Radio Active.

Mi ta gusta entretené hende, semper mi tin algu di kompartí i mi tin un bos pa hasi esei”, Janella a deklará. Mas aleu, e eks-presentadó di programanan ‘Hamaka-Musikal’ i tambe ‘Tòsti’, a duna di konosé ku e oportunidat pa ekspresá bo mes i kompartí esaki ku mas hende, ta super.

Riba e pregunta pa ku e kambio i su trabou nobo, despues di tabata traha na TCFM, Janella a kontesta ku e no tabata un kambio, sino e tabata un desishon. “Stòp na TCFM tabata un desishon. Mi a keda 3 luna sin traha na radio i mi tabata orientá kiko lo bai bira mi ‘next step, i mi a skohe Radio Active.

Radio Active ta un radio ku ta pas hopi ku e persona ku ami ta i tin un vishon super interesante ku lo mi ke forma parti di dje ‘Op zich’, radio mes no a desaroyá mashá, mesun formato, loke a desaroyá ta tur kos rondó. Esei ta pone ku radio mester buska su manera pa tòch, keda un media importante. Esei ta hasi e trabou di radio mas interesante.

Finalmente komo lokutor bo tin ku buska e manera pa entretené i toka mas great posibel, pa asina hasi bo mes parti di un hende su bida. Radio na papiamentu ta bai keda zona pa hopi aña mas i manera nos ta hasié na Active, nos ta parti di bo bida i nos lo no por sin otro”.

Janella Pieters, ta laborá di 5’or di atardi pa 7’or di anochi na Radio Active 104.5 FM.

#CURACAO

Featured News
Recent News
Archive
Search By Tags