‘Dame un Call’ di Enmeris ta alkansá 1 mion views riba YouTube


Na luna di febrüari último Enmeris a lansa ‘Dame un Call’ ku featuring di e artista konosí komo La Mama del Rap, Melymel. Enmeris ya tin un sin fin di hit den su karera- for di esnan mas kontraversial manera ‘Mi ta preferá bai Campo’ pa esnan mas komentá ‘Bai Gaña Baka’ i ‘Papa Dios a bisami’. Su éksitonan ‘Oxygeno’, ‘Me tiene loco’ òf esnan mas resien ‘Un beso’, ‘Te Deseo’ ,‘Mala Vibra’ i awor ‘Dame un Call’ ta demostrá ku Enmeris ketu bai tin su bista fihá riba un karera internashonal. Ya den pasado Enmeris a hasi menshon di su esfuersonan pa penetrá den e merkado urban latino i e kolaborashon ku Melymel tabata un paso signifikativo.

Pa kualke artista, alkansá 1 mion views riba YouTube ta un gran logro, Decoded ta konsiente di esaki i ta felisitá su artista, Enmeris ku e paréntesis aki. E piesa produsí pa Enmeris/ GetAMilli i e videoclip filmá/ editá pa Greyan Studios awe ta konta ku 1,234,333 views riba YouTube i ta moviendo tremendo den su género. Mester bisa ku e piesa ta un ‘hit’ na paisnan den Latinoamérika. E 1 mion views, ta konfirmá esaki tambe. Fanátikonan por mira e videoclipnan di Enmeris i tur artista di Decoded riba e Youtube Channel @decodedofficial òf solisitá e track na nan radio preferí. Ademas, por stream riba ITunes, Spotify, Google Play i Apple Music.

#CURACAO #REAGGETON

Featured News
Recent News
Archive
Search By Tags